نورى مالكى ئه‌منيدار گشتى حزب ده‌عوه‌ى ئسلامى، جه‌خت له‌وه كرد هه‌وڵ په‌يوه‌نديه‌يل خاسيگ ئه‌ياد له‌ناونى به‌غداو هه‌ولێر.
مالكى له نامه‌يگ ئه‌را مه‌سرور بارزانى سه‌رۆك حكومه‌ت هه‌رێم كوردستان، وت: وه‌و په‌ڕێ رێز و دڵخوه‌شييه‌وه بروسكه‌ى پيرووزباييدان وه‌پيم ره‌سێ، وه‌بوونه‌ى سازكردن كۆنگره‌ى هه‌ڤده‌يه‌م حزب ده‌عوه‌ى ئسلامى و دوباره هه‌ڵوژاننه‌وه‌م وه ئه‌ميندار گشتى، وه‌ڕيزه‌وه سوپاس ده‌رخستن ئحساس خاسدان ئه‌كه‌يم، ك له‌ناوه‌ڕووك په‌يامه‌گه‌دان هاتوێد.
مالكى هه‌ميش وت: حزب دەعوەی ئسلامی تا ئەوپەڕی پاداگرە له‌بان وجوود په‌يوه‌ندى وه‌هيز و ره‌سه‌ن وه‌ل هێزه‌يل نيشتمانى، هه‌وڵيش ئه‌را چه‌سپانن ئه‌و كه‌س خاسه ئه‌ياد تا ڕه‌نگدانه‌وه‌ى ئيجابى بدێ له‌بان په‌يوه‌نديه‌يل هه‌وڵێر و به‌غدا.
جى باسه، نامه‌گه‌ى مالكى دوياى چه‌ن سه‌عاتيگ كه‌م هات له پيرووزباييه‌گه‌ى مه‌سرور بارزانى سه‌رۆك حكومه‌ت هه‌رێم كوردستان ئه‌را حزب ده‌عوه‌ى ئسلامى وه بوونه‌ى سه‌ركه‌فتن كۆنگره‌گه‌ێ و دوباره متمانه‌داين وه نورى مالكى ئه‌را ئه‌منيدار گشتى حزبه‌گه.
