هادى عامرى ئه‌ميندار گشتى ريكخرياگ به‌در له په‌يوه‌ندييگ ته‌له‌فۆنى وه‌ل نێچيروان بارزانى سه‌رۆك هه‌رێم كوردستان، پيرووزبايى هه‌ڵوژاننى كرد ئه‌را پۆسته‌گه‌ى و ئوميد سه‌ركه‌فتن ئه‌راى خواست له ئه‌ركه تازه‌گه‌ێ.
له‌و باوه‌ته‌و، سه‌رۆكايه‌تى هه‌رێم له به‌ياننامه‌يگ وت: عامرى له‌و په‌يوه‌ندى ته‌له‌فۆنيه ئوميد ئه‌وه خواستگه وه‌رگرتن سه‌رۆكايه‌تى هه‌رێم له‌لايه‌ن نێچيروان بارزانيه‌و بدێده هووكار ئه‌را سه‌قامگيرى زياتر و په‌ره‌دان له هه‌رێم كوردستان و له عراق وه‌گشتى و باس له‌وه‌يش كرد ك هه‌ڵوژاننى ده‌رفه‌ت زياتر هه‌ماهه‌نگى و هاوكارى له‌ناونى هه‌ولێر و به‌غدا ئه‌را چاره‌سه‌ر كيشه‌يل ناونى هه‌ردوگلا په‌يا ئه‌كا وه‌ل روێ وه‌ڕوێ بوينه‌وه‌ى تيرۆر وه‌شيوه‌يگ خاستر.
لاى خوه‌يه‌و, بارزانى سوپاسگوزارى له عامرى كرد له‌باره‌ى په‌يوه‌ندى و پيرووزباييكردنى له‌لى و جه‌ختيش له‌بان هاوكار و چاره‌سه‌ر كيشه‌يل كرد له‌ڕێ دانيشتن و گفتگوو.
