▪دكتور آزاد اركوازى
كولان وكولان وكويچه وكويچه گام نيد وري كيد لناو جينيشتنى كورديل فليلى لبغداد كون، پيره ژن و پيرهبياو تماشا كيد إى زمانه خراو چنيرگورگ لدمچويان نقشه گردگه، وفقيرى وكم دسي له دوايى خير ودولمنى چيو مچير شيطان لبان دمجويان مآل کردگه، ودالغه يادگارى بيگياان ارا او زمانه لناو خير بين وختى رنج وبال خويان كه لخير دسيان هات ارآ فقيريل پخش كردن.
نزانستن چرخ و فلك يا دوران دنياى بد ودس پيس بعث مال وحاليان شيونى ومال وخيزان وحال ليك چياو كى، منآل بى دايگ مينى، وكور بى بآوگ كى، چوانه كوريان له ژير خاك، وپير و مناليان لپشت مرز ولات له اوردگاى شار غريبان بى كه س مينن.
صدام لعنتي لبين دو چشت هيشتيان، يامآل دُنيا يادين آخرت ومذهب علي عليه السلام، وأوانيش دين علي ( سلام خودا للي ) ارا مال دنيا نفروشتن.
رژيم صدام حكمى رميا وسرنگون بيه، ودوران كفر وكافريل وباد گوران آلشت بى، دواى او لًـ 2003 ساسييل بي ناو وعمل هاتن، وكورديل فيلى جوودليان روشنوبى وتن دوران بد چى، وسآل خير هات.
ولى وداخوا خيآل نكردن نك ناهمتى آوانى هاتن له قول گوزاف فره تريان اى بدبختيله.
وناوكرد فيلى چين وبآن تخت حكم، وناو اي بدبختيله بينه خاون مآل وخاون باره، ونه كردن يك تخت باى شكياى كوتيى فيلى ودس بارن چوينكه دل سوزيل كورديل خومان لياديان چى روژى له روژان وناوى بدبختيل چين وبان، ودنگ خويان چويچانن وله ژير سكو حزبيل كوراه يا كوملايتى گوراگان خويان شاردنو!!؟.
داخ أوس سياستمداران وروشنفكران أيمه كم نيين، ولى بدبختى كورديلمان فريس، نه روژى ويگ بارچكى وهمدلى كاريان بردن وچى! ونه هيشتن يكيلى تر كارمان بارن و راس، بياويلمان كم نيين ودولمنمان وتاجريلمان كم نيين، ولي وداخوا قال قيلانمان فريس، وبخِت بى گوناحى فريس اگر ويجوره بيمينين رحمت خودا له آسمان نوارى وبان سرمان، ودست ستمكار گردنمان ؤل يا مرقژ نادى.
ووبونه آگر گونفرانس يك دلى ويك پارچگى وچانارين وقانون مخصوص نسازين أرا خومان ياعهدبندى كوراى نكين، دوايى اوه آگر شار وشاريل گفتين وولات وولاتى چوچياين دى آخ ودآخ وكلگ گزانن وپشيمانى ودرد نخوى.
وختمان كمه، واوميدمان وه خوداى گورا فريس، وخور آزادى وآشتى خور آوا نيكي يا و ألك گوم نابود آگر وگرديك دل سوززى ودل باكى بكين وكار كورديل خومان ونقشيى خاس بسازين.
