ريكخرياگ بار شارستانى له ئيران، ئاشكراى به‌رزه‌وبوين له وه‌رده‌وامى حاڵه‌ته‌يل ته‌ڵاق كرد له‌ناونى ئيرانيه‌يل له ساڵ گوزه‌يشت و وت: وه‌رده‌وامى ته‌ڵاق ره‌سيه‌سه به‌رزترين ئاست له وه‌ختيگه‌و ئى ريكخرياگه ده‌س وه‌كاره‌يلى كردگه له ئيران.
وه‌گووره‌ى ئه‌و ئاماره‌يله ك ريكخرياگ بار شارستانى ئه‌نجامى داگه‌و رووژنامه‌ى "شه‌هروه‌ند" ئيرانى بڵاويه‌و كردگه، ئه‌وه ده‌ركه‌فتگه ك له‌گشت هه‌زار حاڵه‌تيگ هاوسه‌رگيرى له ئيران له‌ماوه‌ى ساڵ گوزه‌يشت، 318 حاڵه‌ت ته‌ڵاق روێداگه، يه‌يش وه‌و مانا له هه‌ر سه‌عاتيگ 20 حاڵه‌ت ته‌ڵاق تۆمار ئه‌كريه‌ێد.
جى باسه، ئاماژه وه‌يه‌يش ئه‌كريه‌ێد ك خراوبوين بارودوخ گوزران له ئيران يه‌كيگه له هووكاره‌يل سه‌ره‌كى ته‌ڵاق.
