محه‌مه‌د حه‌لبوسى سه‌رۆك ئه‌نجومه‌ن نوێنه‌ره‌يل، چه‌وى كه‌فته كارديناڵ لويس رافائيل ساكۆ له باره‌گاى به‌تريركى كلدانى له به‌غداو له‌و ديداره باس له بارودوخ پيكهاته‌ى مه‌سيحى له عراق و ميكانيزم پته‌وكردن سه‌قامگيرى له ناوچه‌يل ئازادكرياێ و جه‌خت له‌بان دابينكردن كه‌شيگ گونجياێ كريا له‌ناونى پيكهاته‌يل له‌سايه‌ى عراقيگ وه‌هيز و ئه‌مان و يه‌كگرتگ ك مقه‌يه‌تى له‌گشتلايگ بكا وه‌بى جياوازى.
له‌و ديداره باسيش له رۆڵ ئه‌نجومه‌ن نوێنه‌ره‌يل كريا له مقه‌يتيكردن ماف پيكهاته‌يل له هه‌ڵوژاردنه‌يل و هه‌ڵوژانن كه‌سه‌يل وه‌تواناو شاره‌زا ئه‌را ده‌زگايه‌يل حكومى و زه‌مانه‌تكردن به‌شدارييان له پرووسه‌ى سياسى و جه‌ختيش له‌وه كريا ك په‌رله‌مان هه‌وڵ ئه‌را مقه‌يه‌تيكردن له نوێنه‌رايه‌تى پيكهاته‌ى مه‌سيحى ئه‌ياد وه‌ل ده‌سه‌وه‌ركردن مافه‌يلى جوور پيكهاته‌يگ ره‌سه‌ن له وڵات.
جى باسه، له ديداره‌گه باسيش له گرنگى سه‌ردان پاپاى ڤاتيكان ئه‌را عراق كريا له سه‌ره‌تاى ساڵ ئاينده‌و گرنگترين ئاماده‌كاريه‌يل له‌و باوه‌ته‌و.
