بانك رافده‌ين بڕيار دا سلفه بيه‌ێده كارمه‌نده‌يل كه‌رت تايبه‌ت و تيكه‌ڵ له‌وانه‌گ له نه‌خوه‌شخانه‌يل و كۆليژه‌يل و كۆمپانيايه‌يل گه‌وراى ئه‌هلى كار ئه‌كه‌ن وه ئامانج پيشتگيرى له كه‌رت ئابوورى.
له‌ى باوه‌ته‌و، نويسينگه‌ى ره‌سانن بانكه‌گه له به‌ياننامه‌يگ وت: ئه‌و قه‌رزه‌يله ك ئه‌دريه‌ێد وه‌و چين كرنگه وه‌گووره‌ى رێ و شوون مه‌رجه‌يليگ ئه‌دێ ك پيكهاگه له:
- بڕ سلفه‌ى (10) مليۆن دينار ئه‌را ئه‌وانه ئه‌دێ ك مووچه‌ى مانگانه‌يان له (500000)دينار زياتره‌و سلفه‌ى (5)مليۆن ديناره‌گه‌يش ئه‌را ئه‌وانه‌گ ك مووچه‌يان ها ده‌ورگرد(500000)دينار و كه‌متر.
- ماوه‌ى سلفه‌گه(5 ساڵ)ه‌و بايه‌سه وه قست بدريه‌ێده‌وه‌و قاجازيشى مانگانه‌س وه(60) مانگ له دوياى مانگيگ ك وه‌رێ ئه‌گرێد.