تاريق حه‌رب شاره‌زاى ياسايى، باوه‌ڕى ئه‌وه‌سه قه‌زاى زوبێر سه‌ر وه پاريزگاى به‌سره ئاماده‌س له‌وه‌ر ئاڵشتكردن ئه‌را پاريزگايگ تازه له باشوور عراق.
حه‌رب له ماڵپه‌ڕ كۆمه‌ڵايه‌تى فه‌يسبوك وت: بارودوخ قه‌زاى زوبێر ئه‌را ئاڵشتكردن ئه‌را پاريزگا فريه له بارودوخ قه‌زاى هه‌ڵه‌بجه خاستره ك ئاڵشت كريا ئه‌را پاريزگا وه‌رجه سێ ساڵ چ له‌ڕوێ شماره‌ى مه‌ردم و روێوه‌ر و سه‌رچه‌وه‌يل ئابوورى له نه‌فت و ده‌روازه‌ى ده‌ريايى و هاوسايه‌تى وڵاته‌يل چ له‌ڕوێ خاك نه‌خت و روێ وه‌ر ك له هه‌ڵه‌بجه زياتره.
حه‌رب هه‌ميش وت: ياساى پاريزگايه‌يل شماره 21 ساڵ 2008 باس له ئاڵشتكردن قه‌زا ئه‌را پاريزگا نه‌كردگه و هه‌ر وه‌و خاتريشه باوه‌ته‌گه هه‌وه‌جه وه هه‌مواركردنه‌وه يا ده‌ركردن ياساى تازه ديرێد ك چوينێتى ئاڵشتكردن قه‌زا ئه‌را پاريزگا ريك بخا.