محه‌مه‌د عه‌لى ئه‌لحه‌كيم وه‌زير خارجيه‌ى عراقى, نامه ئه‌را هاوتايه‌يلى كلكرد له ده‌وڵه‌ته‌يل به‌شدار له ليژنه‌ى كه‌له‌پوور جه‌هانى له‌وه‌ر پيشتگيرى و ده‌نگداين له‌بان دوسيه‌ى داناين ئاسه‌واره‌يل بابل له ليست كه‌له‌پور جه‌هانى.
له‌و باوه‌ته‌و، ئه‌حمه‌د سه‌حاف قسه‌كه‌ر وه‌ناو وه‌زاره‌ت خارجيه‌ى عراقى له به‌ياننامه‌يگ وت: ئه‌لحه‌كيم نامه ئه‌را هاوتا وه‌زيره‌يلى كلكردگه له ده‌وڵه‌ته‌يل ئه‌ندام له‌وه‌ر زيايكردن پشتگيرى و ده‌نگداين له‌بان دوسيه‌ى داناين ئاسه‌واره‌يل بابل له ليست كه‌له‌پوور جه‌هانى.
سه‌حاف هه‌ميش وت: وه‌زير خارجيه رينمايى ئه‌ياده گشت باڵيۆزخانه‌يل له ده‌وڵه‌ته‌يل ئه‌ندام له ليژنه‌گه و نوێنه‌رايه‌تيه‌يل عراق له نيويۆرك و ژنێف و ده‌زگاى ريكخرياگ و كۆنگره‌يل له ناوه‌ند وه‌زاره‌گه جموجويل بكه‌ن له‌بان ده‌وڵه‌ته‌يل ئه‌ندان ئه‌را پشتگيرى عراق و ده‌نگداين له‌بان داناين بابل.