شه‌پۆليگ گه‌رما چه‌ن ده‌وڵه‌تيگ عه‌ره‌بى گرته‌و وه‌رجه سه‌ره‌تاى فه‌رمى وه‌رز تاوسان له 21 يۆنيۆ/ حزيران ئى مانگه، له‌وانه‌يش وه‌ل هه‌واى گه‌رميگ و به‌رزبوينه‌وه‌ى پله‌ى گه‌رما ك بويه هووكار مردن كه‌سيگ له كوه‌يت.
وه‌گووره‌ى ده‌سه‌ى كه‌شناسى ئه‌نادۆڵ ئه‌را ئاماره‌يل حاڵه‌ت كه‌ش وهه‌وار، شه‌پۆليگ گه‌رما روێ له سعوديه‌و مسر و عراق و به‌حره‌ين و كوه‌يت و قه‌ته‌ر و ئيمارات كردگه، ك پله‌ى گه‌رما له سعوديه‌و كوه‌يت و عراق له 50 پله‌ى گه‌رمى زياتر بويه له‌ى هه‌فته.
جى باسه، يه‌يش له‌وه‌ختيگه له عراق ل باشوور وڵاته‌گه به‌رزه‌وبوين ئاشكرايگ له پله‌ى گه‌رما تۆمار كريا، ك له پاريزگاى ميسان ره‌سيه 55 پله‌ى سه‌دى له رووژ جومعه‌ى گوزه‌يشت، وه‌لێ ئمڕوو داوه‌زێ و ره‌سيه 45 پله‌ى سه‌دى له بڕيگ له ناوچه‌يل وڵاته‌گه.