ئقتصادى - وكالة تنوع نيوز

بانك رافده ين رينمايى له باره ى قه رز ١٠ مليونه گه دا ئه را ئه چينه

kur — Mon, 15 Jul 2019 10:36:30 +0300

بانك رافده‌ين بڕيار دا سلفه‌ بيه‌ێده‌ كارمه‌نده‌يل كه‌رت تايبه‌ت و تيكه‌ڵ له‌وانه‌گ له‌ نه‌خوه‌شخانه‌يل و كۆليژه‌يل و كۆمپانيايه‌يل گه‌وراى ئه‌هلى كار ئه‌كه‌ن وه‌ ئامانج پيشتگيرى له‌ كه‌رت ئابوورى.

له‌ى باوه‌ته‌و، نويسينگه‌ى ره‌سانن بانكه‌گه‌ له‌ به‌ياننامه‌يگ وت: ئه‌و قه‌رزه‌يله‌ ك ئه‌دريه‌ێد وه‌و چين كرنگه‌ وه‌گووره‌ى رێ و شوون مه‌رجه‌يليگ ئه‌دێ ك پيكهاگه‌ له‌:

- بڕ سلفه‌ى (10) مليۆن دينار ئه‌را ئه‌وانه‌ ئه‌دێ ك مووچه‌ى مانگانه‌يان له‌ (500000)دينار زياتره‌و سلفه‌ى (5)مليۆن ديناره‌گه‌يش ئه‌را ئه‌وانه‌گ ك مووچه‌يان ها ده‌ورگرد(500000)دينار و كه‌متر.

- ماوه‌ى سلفه‌گه‌(5 ساڵ)ه‌و بايه‌سه‌ وه‌ قست بدريه‌ێده‌وه‌و قاجازيشى مانگانه‌س وه‌(60) مانگ له‌ دوياى مانگيگ ك وه‌رێ ئه‌گرێد.

توركيا مكوره له بان ده وكردن غاز له كناراوه يل قوبرس

kur — Mon, 15 Jul 2019 10:33:18 +0300

مه‌ولود چاوش ئۆغلۆ وه‌زير خارجيه‌ى توركيا، ئاشكراى كرد ك ئه‌نقه‌ره‌ وه‌رده‌وام ئه‌دێ له‌ ده‌ركردن غاز له‌ خوه‌رهه‌ڵات ناوين وه‌تايبه‌ت له‌ كناراوه‌يل قوبرس، ك هه‌رچه‌نى يه‌كێتى ئۆرپايش ناڕازيه‌و هه‌ڕه‌شه‌ى سزاداين له‌لى ئه‌كا.

ئۆغلۆ له‌ لێدوانه‌يليگ رووژناگه‌رێ داوا له‌ حكومه‌ت قوبرس كرد پلان هاوكارى له‌ بوار ده‌ركردن نه‌فت و غاز قه‌بول بكا ك سه‌ركرده‌ى كۆمار قوبرس باكوور ئعلانى كرد و ته‌نيا هه‌ر ئه‌نقه‌ره‌ دگان وه‌پيا نه‌ێد.

جى باسه‌، توركيا تويڕه‌ى ئۆرپا كرد له‌وه‌ختيگ ئاشكراى كلكردن دو كه‌شتى كرد ئه‌را كناراوه‌يل قوبرس له‌ى هه‌فته‌يل دوياخره‌ له‌وه‌ر خاتر دراوردان نه‌فت و غاز له‌ ئه‌نجام گفتگوو له‌بان وه‌ديكردن بڕ فريه‌يگ له‌ وزه‌ له‌ ناوچه‌ى خوه‌رهه‌ڵات ناوين.

فه يسبووك په نج مليارد دولار سزا دريا

kur — Mon, 15 Jul 2019 09:54:46 +0300

كۆمسیۆن بازرگانی فیدراڵی ئه‌مریكا وه‌ بڕ په‌نج ملیار دۆلار سزا له‌بان كۆمپانیاى تووڕ كۆمه‌ڵایه‌تی فه‌یسبووك چه‌سپان.

له‌ى باوه‌ته‌و، رووژنامه‌ی ۆڵ ستریت جۆرناڵ ئه‌مریكی، وت: كۆمسیۆن بازرگانی فیدراڵی ئه‌مریكا له‌ ئه‌نجام ئه‌و په‌يجووريه‌ ك‌ ساڵ گوزه‌يشت ده‌س وه‌پيكرد و له‌ڕێ وه‌كارهاوردن زانيارى كه‌سيى وه‌بى موڵه‌ت و وه‌ناياسايى، تووڕ كۆمه‌ڵايه‌تى فه‌يسبووك وه‌ په‌نج مليار دۆلار سزا دا.

جى باسه‌، سزاگه‌ى بان كۆمپانياى فه‌يسبووك وه‌ دوو ده‌نگ وه‌رانوه‌ر وه‌ سێ ده‌نگ په‌سه‌ن كرياگه‌و بڕياره‌گه‌ يه‌كلاوه‌ بويه‌ و هه‌وه‌جه‌ وه‌ په‌سه‌نكردن وه‌زاره‌ت داد ديرێد و يه‌يش گه‌وراترين سزايگه‌ له‌بان كۆمپانيايگ بوار ته‌كنۆلۆجى چه‌سپياوێد و فريه‌ له‌و سزا گه‌وراتره‌ ك له‌بان كۆمپانياى گۆگڵ چه‌سپيا له‌ساڵ 2012 ك 22 مليۆن دۆلار بوێ.

رى وشوونيگ ئيرانى به شدارى له هاتن رووژانه ى دو هزار گه شتيار ئه را كوردستان ئه كا

kur — Tue, 09 Jul 2019 12:46:40 +0300

وه‌ڕيه‌وبه‌ر گشتى په‌يوه‌نديه‌يل ناونى هه‌رێم كوردستان و ئيران، ئاشكراى ئه‌وه‌ كرد دوياى هه‌ڵوه‌شاننه‌وه‌ى ڤيزا له‌ناونى هه‌ردوگلا, شماره‌ى گه‌شتياره‌يل له‌ هه‌رێمه‌و ئه‌را ئيران له‌وه‌ر گه‌شتيارێ وه‌شيوه‌يگ وه‌رچه‌و زياێ كردگه‌و ره‌سيه‌سه‌ دو هه‌زار كه‌س رووژانه‌.

له‌و باوه‌ته‌و، عه‌بدوڵڵا ئاكره‌يى وه‌ڕيه‌وبه‌ر گشتى په‌يوه‌نديه‌يل ناونى هه‌رێم كوردستان ئه‌را هووكاره‌يل ره‌سانن كوردى وت: دوياى هه‌ڵوه‌شاننه‌وه‌ى ڤيزا هويچ بڕه‌ پويليگ له‌ گه‌شتياره‌يل وه‌رناگريه‌ێد و يه‌يش به‌شدارى ئه‌كا له‌ زيايبوين شماره‌ى كه‌سه‌يل گه‌شتيار له‌ هه‌رێمه‌و ئه‌را ئيران.

جى باسه‌، ئاكره‌يى هه‌ميش وت: نزيكه‌ى دو هه‌زار كه‌س رووژانه‌ له‌ هه‌رێمه‌و گه‌شت وه‌ره‌و ئيران ئه‌كه‌ن و باس له‌وه‌يش كرد شماره‌ى كه‌سه‌يل هاتگيش وه‌ هه‌مان شيوه‌ ئه‌را هه‌رێم وه‌شيوه‌يگ وه‌رچه‌و دياره‌.

كومپانياى ميرسيدس سه ياره تازه گه ى نمايش كرد

kur — Mon, 08 Jul 2019 10:44:33 +0300

كۆمپانیای "مێرسیدس" ئەڵمانی نه‌وه‌يگ تر تازه‌ى سه‌ياره‌ له جوور GLS نمايش كرد، ك ئى سه‌ياره‌ى تازه‌ خاوەن بڕيگ تایبەتمەندی بەرزە.

ئى سه‌ياره‌ى GLS دیزاینيگ جوان ديرێد و دردريژيه‌گه‌ى 5 مەترو پانیەگەی 190 سەنتیمەترەو لە نوايشه‌و وەمادەی كرۆم دیزاین كرياگه‌.

جى باسه‌/ سه‌ياره‌گه‌ هه‌فت كه‌س ئه‌گرێد و سه‌رجه‌م كۆشينه‌يلى چه‌رمه‌و گشت سيستميگ سه‌ركه‌ره‌وه‌و گه‌رمه‌گه‌ره‌وه‌ى وه‌ له‌مس كار ئه‌كا و مه‌كينه‌ى 8 پستۆنه‌و هيز 340 ئه‌سپ ديرێد و وه‌ هه‌فت گێڕ ئۆتوماتيك ئاڵشت ئه‌كريه‌ێد.

رافده ين مووچه ى كارمه نده يل شماريگ له ده زگايه يل ده وله ت دابه شكرد

kur — Sun, 07 Jul 2019 09:05:59 +0300

بانك رافده‌ين, ئاشكراى دابه‌شكردن مووچه‌ى شماره‌يگ له‌ وه‌زاره‌ته‌يل و دام و ده‌زگايه‌يل ده‌وڵه‌ت كرد له‌رێ وه‌پيداين ئه‌لكترۆنى.

له‌و باوه‌ته‌و، نويسينگه‌ى ره‌سانن بانك رافده‌ين له‌ به‌يانننامه‌يگ وت: مووچه‌ى كارمه‌نده‌يل بڕيگ له‌ وه‌زاره‌ته‌يل و دام و ده‌زگايه‌يل ده‌وڵه‌ته‌يل دابه‌ش كرياگه‌ له‌وانه‌گ مووچه‌يليان جيگير كرياگه‌ له‌لاى بانكه‌گه‌و ئه‌وانه‌گ ماسته‌ركارد ديرن.

به‌ياننامه‌گه‌ ئاماژه‌ وه‌يه‌يش كرد بانكه‌گه‌ وه‌رده‌وامه‌ له‌ دابه‌شكردن مووچه‌ وه‌گووره‌ى رينمايى و واده‌يل دياريكرياێ.

هه ولير وبه غدا ليژنه يگ هاوبه ش ئه را چاره سه ر مه سه له ى مووچه و نه فت دامه زرنن

kur — Tue, 02 Jul 2019 10:14:04 +0300

سه‌فين دزه‌يى قسه‌كه‌ر وه‌ناو حكومه‌ت هه‌رێم كوردستان, ئاشكراى دامه‌زرانن ليژنه‌يگ هاوبه‌ش كرد له‌ناونى هه‌ولێر و به‌غدا ئه‌را داناين ميكانيزميگ وه‌ ئامانج داين مووچه‌ى كارمه‌نده‌يل له‌ دام وده‌زگايه‌يل هه‌رێم وه‌ ته‌واوى.

له‌و باوه‌ته‌و، دزه‌يى له‌ لێدوانيگ رووژنامه‌گه‌رى وت: هه‌فته‌ى گوزه‌يشت نێچيروان بارزانى سه‌رۆك هه‌رێم سه‌ردان به‌غدا كردگه‌و دانيشتگه‌ وه‌ل عادل عه‌بدولمه‌هدى سه‌رۆك ئه‌نجومه‌ن وه‌زيره‌يل و بڕيار دامه‌زرانن ليژنه‌يگ درياگه‌ ئه‌را مه‌سه‌له‌ى مووچه‌يل و نه‌فت، چوينكه‌ جى داخه‌ بڕيگ له‌ په‌رله‌مانتاره‌يل كورد له‌ به‌غدا لێدوانه‌يليگ ئه‌يه‌ن ترس ئه‌خه‌نه‌ ده‌روين مه‌ردم له‌ هه‌رێم كوردستان.

دزه‌يى هه‌ميش وت: ئه‌وه‌گ له‌و مووچه‌ ره‌وانه‌ ئه‌كريه‌ێد به‌شيگه‌ له‌ مووچه‌ نه‌ك بودجه‌و باس له‌وه‌يش كرد ك حكومه‌ت هه‌رێم مانگانه‌ 880 مليار دينار مووچه‌ ئه‌ياد و ئه‌وه‌گ له‌لاى به‌غداوه‌ ئه‌ياد 450 ملياره‌و بايه‌سه‌ له‌بان هه‌رێم 430 مليار تر مانگانه‌ له‌ فرووشتن نه‌فت ده‌سه‌وه‌ر بكا.

جى باسه‌، دزه‌يى له‌باره‌ى مه‌سه‌له‌ى نه‌فتيش وت: بايه‌سه‌ له‌بان هه‌رێم كوردستان رووژانه‌ 250 به‌رميل راده‌س بكا ك يه‌يش له‌ڕوێ مه‌بده‌ئيه‌و هويچ كيشه‌يگ نه‌يرێد، وه‌لێ بايه‌سه‌ ميكانيزميگ په‌يا بكريه‌ێد ئه‌را ته‌واوكردن 340 مليار دينار ك ئايا كى ئه‌و كاره‌ ئه‌كا؟

رووژانه په نج هزار ڤيزا له پاريزگايگ عراقييه و ئه را ئيران ئه دريه يد

kur — Sun, 23 Jun 2019 10:04:16 +0300

عارف عه‌باسى ريكخه‌ر كاره‌يل ئابوورى ئيرانى له‌ شار نه‌جه‌ف له‌ عراق ئاشكراى ئه‌وه‌ كرد ك رووژانه‌ وه‌پيداين ڤيزا له‌ نه‌جه‌فه‌و ئه‌را ئيران به‌رزه‌و ئه‌دێ ئه‌را 5 هه‌زار ڤيزا.

عه‌باسى له‌ ديدارى وه‌ل ده‌سميه‌تده‌ر پاريزگار ئيلام(خوه‌رئاواى ئيران)ئه‌را كاروبار ئابوورى و سه‌رۆك غورفه‌ى بازرگانى له‌ پاريزگاگه‌ وت: له‌ هه‌مان وه‌خت 2500 ڤيزاى تر له‌ پاريزگاى نه‌جه‌فه‌و له‌ عراق ئه‌را ئيران ده‌ره‌چێد و شماره‌يشه‌ ئه‌را مانگ ئاينده‌ دو به‌رايبه‌ر زياى ئه‌دێ.

جى باسه‌، يه‌يش له‌وه‌ختيگه‌ ك رووژانه‌ هه‌زارام زياره‌تچى ئيرانى له‌رێ ده‌روازه‌ى مهران ناوده‌وڵه‌تيه‌و له‌ پاريزگاى ئيلام روێ له‌ مه‌زارگه‌يل ئايينى له‌ عراق ئه‌كه‌ن.

دوياى گله وخواردن كارمه نده يل عراق به رهم نه فت قرنه به رزه و ئه كا

kur — Tue, 18 Jun 2019 09:49:07 +0300

وه‌رپرسه‌يل له‌ كه‌رت نه‌فت عراقى ئه‌وه‌ ده‌رخستن ك به‌رهه‌م نه‌فتى خوه‌رئاواى قرنه‌ ره‌سيه‌ 465 هه‌زار به‌ر‌ميل رووژانه‌ دوياى ته‌واوبوين دامه‌زرياگه‌يل تازه‌ ئه‌را چاره‌سه‌ركردن نه‌فت خام و عه‌مباره‌يل عه‌مباركردن نه‌فت.

له‌و باوه‌ته‌و، وه‌رپرسه‌يليگ ك له‌سه‌چه‌وه‌يل قرنه‌ كار ئه‌كه‌ن ئاگادار روێته‌رز كردن ك سه‌رچه‌وه‌ نه‌فتيه‌گه‌ى قرنه‌ى 1 ك له‌لايه‌ن ئيكسۆن موبيله‌وه‌ په‌ره‌ وه‌پى دريا نزيكه‌ى 440 هه‌زار به‌رميب رووژانه‌ به‌رهه‌م ئه‌يه‌رێد و له‌و ئاهه‌نگيشه‌ ك ئه‌راى ساز كريا كارگه‌ره‌يل بيگانه‌ ئاماده‌بوين دوياى گله‌وخواردنياان له‌ 2 ئى مانگه‌.

جى باسه‌، كيشاننه‌وه‌ى كارمه‌نده‌يل بيگانه‌ دوياى ئه‌وه‌ هات ك هه‌فته‌يگ وه‌رجه‌ ئه‌وه‌ وڵاته‌يل يه‌كگرتگ بريار كيشاننه‌وه‌ى كارمه‌نده‌يلى دا له‌ باڵيۆزخانه‌ گشتيه‌گه‌ى له‌ به‌غدا وه‌ بوونه‌ى هه‌ڕه‌شه‌يل ئيران و گرژه‌وبوين بارودوخ ناوچه‌گه‌.

رافده ين وه جبه يگ تر له سلفه دابش كرد

kur — Wed, 12 Jun 2019 09:48:43 +0300

بانك رافده‌ين وه‌جبه‌يگ تر تازه‌ له‌ سلفه‌ى كارمه‌نده‌يل له‌ ده‌زگايه‌يل ده‌وڵه‌ت دابه‌ش كرد له‌ناونى 3 و 5 و 10 مليۆن دينار له‌ڕێ كارت ماسته‌ر كارد ناوده‌وڵه‌تييه‌و.

له‌ى باوه‌ته‌و، نويسينگه‌ى ره‌سانن بانك رافده‌ين له‌ به‌ياننامه‌يگ وت: وه‌جبه‌ى تازه‌يگ له‌ سلفه‌ى كارمه‌نده‌يل ده‌زگايه‌يل ده‌وڵه‌ت ئه‌را زياتر له‌ 1500 كارمه‌ند دابه‌ش كرياگه‌ له‌وانه‌گ مووچه‌يليان له‌لاى بانكه‌گه‌ جيگير كرياگه‌و كارت ئه‌لكترۆنى ديرن.

به‌ياننامه‌گه‌ يه‌يش ده‌رخست ك دابه‌شكردن ئه‌و سلفه‌ له‌ڕێ موورپه‌نجه‌ى كارمه‌نده‌گه‌و ئاگاداركردنى بويه‌ له‌ڕێ نامه‌يگ ئه‌را وه‌رگرتنى، ئه‌ويش دوياى ته‌واوكردن گشت رێ وشوونه‌يل ياسايى ئه‌را وه‌رگرتنى له‌ڕى هووكاره‌يل ئه‌لكترۆنى.