البعث الصدامي العميل
*ان من اعظم حيل الشيطان اقناع العالم بانه غير موجود *) .. !
▪في حكم البعث: قمع و مجازر، ضخ افكار مشوهة و ثقافة منحرفة، زرع احقاد لاجيال.
الاخ كتب تقرير على اخوه والابن على ابوه
ما انسى شكل الشيطان الرفيق من دخل علينا الصف بالاعدادية وكال: " اذا شفتو احد زملائكم يحجي علوضع و ما عاجبه .. كلولي ؛ او اكتبو عنه تقرير! ولا تخافون، ما نأذي، نصيحه نحجي وياه...!!"
استمر هذا المنهج لمدة ٣٥ سنة.
نعم ( ٣٥ عااام )
▪بعد سقوط الصنم .. قنعوك البعث راح، والملايين من البعثيين انتهوا .. تبخروا .. او تابوا .. او ( مفهوم اخطر)
٣٥ سنة..! معقولة كل ترسباتها و دمارها، فجأة بح ..!
من تحجي، يتنمرون عليك
يمعود يا بعث .. !
كانما ذكرت جماعة عاصرت المغول، شكد قديم انته
كل هذا الفيلم يمشي علينا بهدووء و دراسة
شغل ناعم ، وراه مؤسسات
واحنه دنشوف الرفيق ابو تقرير نزع الزيتوني و صار بحزب يؤمن بالعراق التعددي .. الفيدرالي .. الديمقراطي .. الخ الخ الخ
بعدها مسؤول .. برلماني .. لالا حتى صار وزير ..!!
صفحات تنشر مقاطع لبغداد ايام البعث، تدخل التعليقات نواح و بكاء على زمن الخير
جان العراقي هيبة .. و هو يشتغل عمالة ذليل بالاردن
جان الخير موجود .. و هو يعلس خبز اسود مخبوط نوه تمر
و ابناء الرفاق على نهج الآباء
شجاع العلواني .. صار شجاع الخفاجي .. و عنده خوة نظيفة .. انظف من ايادي طارق الهاشمي الار.هابي
