لأن هذا الوكت مثل البعض غدار..
لازمنا نتصالح شيعه والسنه
نجمّض عل الألم وبسكته نحرك آه
ونباوع بعيد ونرضى بالهدنه
مانخلي الدواعش تخلط الأوراق
معدنهم رخيص وگايمه الچبنه
مو اسلام أبد والغايه بس تهديم
وحروف الوطن ما تدخل بذهنه
احنا أهل العراق البينا رفعة راس
شنو فضل السعودي ويكلب السحنه
ياظالم حكم ماخلط بينا دموم
يامحتل اجه وعاملنا بالحسنى
بحرب ايران چم شيعي اندفن مظلوم
وچم سني انفقد ما مش خبر منٌه
وبايام الحصار الطحنتنه عظام
شفنا الجوع كافر كصنا كل احنا
امريكا أبد مايهمها منهو يفوز
ديچين نتصارع موت يكرفنا
وبفرناس شفنا الطائفيه اوهام
مخدوعين والسجان قشمرنه....
شفت واحد جبير تخاف منّه الگاع
يمسح بالممر ات بطلب منّه
حرمونا الحچي وراودو بينا الخوف
ياوسفه السجن عالمرّه يجمعنا
لازم نتحد ونحارب الإرهاب
ونسمي الدواعش (عدو)يهددنا
وتراب الوطن برموشنا نغطيه
مانخلي الغريب يصير ثالثنا
الشاعر أحمد حميد البكة الربيعي
